Reykjavíkurborg hefur markað sér stefnu um að innleiða blágrænar ofanvatnslausnir (BGO). Innleiðing þeirra er ein lykilaðgerð borgarinnar til að auka seiglu gagnvart loftslagsbreytingum og skapa vistvæn hverfi í Aðalskipulagi Reykjavíkur. Ávinningur BGO er margþættur, s.s. hreinna ofanvatn, grænna umhverfi, aukinn líffræðilegur fjölbreytileiki í byggðinni og lægri viðhaldskostnaður.

Með blágrænum ofanvatnslausnum eru náttúrulegir ferlar notaðir við meðhöndlun rigningarvatns í þéttbýli. Notkun þeirra hefur færst í vöxt víða um heim á síðustu áratugum.